Naka-Code Blue alert na ang City Disaster Risk Reduction and Management Office (CDRRMO) sang Roxas City bilang bahin sang preparasyon kag pag-deploy sang mga personnel para sa pagsaulog sang Undas 2026.
Sa interview sang Bombo Radyo kay Gilbert Fernando, Acting CDRRMO Head, iya ginpahayag nga nagpreparar na sila paagi sa pagtalana sang mga personnel kag pagpakig-angot sa nagkalain-lain nga ahensya sang gobyerno agud mangin handa sa pag-atubang sang mga emerhensiya.
Suno kay Fernando, ginahatagan man nila sang importansya ang pagdumala sang trapiko, pagmintinar sang seguridad, paghatag sang first aid kag pagresponde sa mga emerhensiya agud masiguro ang kaluwasan sang publiko.
Dugang pa sini, importante ang klaro nga koordinasyon sa tunga sang mga personnel nga nagadumala sang operasyon agud mapadasig ang pagpaambit sang impormasyon kag pagresponde sa mga insidente.
