Ginpatukod ang isa ka learning center para sa mga kabataan agud maghatag sang dugang nga kahigayunan sa pagtuon kag pagpauswag sang ila kaalam.
Sa interview sang Bombo Radyo Roxas kay SFO2 Sussie Mae Magan, Chief of Community Relations Unit sang Roxas City Fire Station, iya ginpahayag nga importante ang amo nga pasilidad bilang lugar nga makabulig sa pagpalapnag sang edukasyon kag personal nga pag-uswag sang mga kabataan.
Suno kay Magan, magaserbe man ang learning center bilang lugar para sa mga aktibidad nga may kaangtanan sa fire prevention kag emergency response, lakip ang paghatag sang dugang nga ihibalo sa mga kabataan parte sa kaluwasan.
Dugang pa sini, paagi sa amo nga inisyatibo, nagapakita ini nga indi lamang pag-apula sang sunog ang ila katungdanan, kundi pati ang pagbulig sa mga programa nga nagasuporta sa edukasyon kag kaayuhan sang komunidad.
