Yara sa possession sang pamilya ni anay Department of Public Works and Highways (DPWH) Undersecretary Maria Catalina Cabral ang iya cellphone, sa pihak sang mandu sang Office of the Ombudsman nga ipaidalum ini sa kustodiya sang mga otoridad sa Benguet.
Ginkumpirmar ni Police Col Lambert Suerte, hepe sang Benguet Police Provincial Office nga wala makuha sang ila mga tinawo ang gadget sa pamilya sang nagtaliwan nga opisyal.
Nahibaluan nga patay na sang nasapwan si Cabral matapos nahulog sa pil-as sa higad sang Kennon Road, Tuba, Benguet kahapon nga adlaw.
Antes ini napatay, gina-imbestigaran ini bangud sa ginaalegar iregularidad sa pila ka mga proyekto sa pagkontrol sang baha sang DPWH.
Ginmando sang Ombudsman nga ipreserbar ang cellphone kag iban pa nga gadgets ni Cabral bilang posible nga ebidensya sa mga kaso nga gina-imbestigaran.
Sa subong, nagapabilin ang pamangkot kon paano masiguro sang mga imbestigador ang integridad sang data sa gadget nga ginapanag-iyahan sang pamilya.
Nagbukas ini sang mas malapad nga paghinun-anon nahanungod sa chain of custody sang ebidensya sa mga kaso nga nagadalahig sa mga opisyales sang gobyerno.
