ROXAS CITY – Gin-relieved sa pwesto ang isa ka Chief of Police kag apat pa ka mga kapulisan sa Capiz bangud sa ginapahayag pagkamalapit sang mga ini sa isa ka kandidato nga nagapapili para sa May 13 midterm elections.
Ini ang ginkompirma mismo ni Capiz Police Provincial Office Director Police Colonel Canilo Fuentes sang mainterview sang Bombo Radyo Roxas.
Kalakip sa mga gin-relieved sa ila nga pwesto amo si Police Captain Wilfredo Venus, Jr., hepe sang Dumarao Municipal Police Station kag apat ka iban pa nga lunsay miyembro sang Dumarao PNP.
Base sa nangin direktiba sang Police Regional Office (PRO6), igasaylo si Police Captain Venus sa Buruanga, Aklan samtang sa Negros Occidental naman ang mangin assignment sang apat ka iban pa.
Ang nasambit nga direktiba ang bilang pagsunod sa mandatu sang PNP nga mangin apolitical subong nga May 13 midterm elections.
