Ginlunsyar sang Cybercrime Investigation and Coordinating Center (CICC) ang mas hugot nga kampanya batuk sa mga indi rehistrado nga online lending platforms matapos nagsaka ang numero sang mga biktima sang illegal schemes.
Halin Enero tubtob Pebrero subong nga tuig, nakabaton ang CICC sang halos 600 ka mga reklamo, lapaw sa bnumero sang kapareho nga panahon sang 2025.
Suno kay Executive Director Renato “Aboy” Paraiso, masobra P8 million na ang nadula sa bulsa sang mga Pilipino sa sulod sang duha ka bulan, kadam-an amo ang mga kababainhan.
Nakakas na sang mga awtoridad ang pila ka mga delikado nga apps, apang padayon ang pagtuhaw sang mga bag-o rason nga katuyuan sang bag-o nga awareness campaign sang CICC nga matudlu-an ang publiko kun paano makalikaw sa kasubong nga scam.
