Pagahandaan sang COMELEC-Capiz ang filing sang Certificate of Candidacy ukon COC para sa mga aspiring candidate nga magapapili sa palaabuton nga eleksyon.
Ini matapos ang ginpatigayon nga voter registration sa halos 90 percent sang mga barangay kag eskwelahan sa syudad sang Roxas.
Sa interview sang Bombo Radyo kay Atty. Will Arceño, Capiz Provincial Election Supervisor kag Assistant Regional Director sang COMELEC Western Visayas, iya ginpahayag nga madamo sa gihapon ang nagparehistro sa katapusan nga adlaw sang registration kag nangin smooth man ang transaksyon.
Suno pa kay Arceño, wala sang nagluntad nga untorwards incidents sa mga registration sites sa syudad.
Sa kabug-usan, naglab-ot sa 39,611 ang total sang nakaparehistro sa probinsya sang Capiz.
Sa amo nga numero, 26,232 ang regular voters samtang 13,492 naman ang para sa Sangguniang Kabataan ukon SK voters.
