Comelec Law Dept. Director Casingal, gintalana bilang bag-o nga commissioner

Gintalana ni Pangulong Ferdinand “Bongbong” Marcos Jr. ang department director sang Commission of Elections (Comelec) nga si Atty. Norina Tangaro-Casingal bilang bag-o nga poll commissioner.

Ini ang ginanunsyo ni Comelec chair George Garcia pinaagi sa isa ka press conference.

Nagpasalamat man si Garcia kay Marcos sa temprano sini nga pagtalana sa bag-o Comelec Commissioner ilabi na nga nagahilapit na ang eleksyon, kag bangud man nagikan sa ila komisyon ang gintalana sa posisyon.

Mahibaluan nga gintal-usan ni Tangaro-Casingal kung sa diin 27 tuig na nga yara sa Comelec sa amu nga posisyon si retiring Comelec Commissioner Socorro Inting.