ROXAS CITY – Kadungan sang pagsugod sang local campaign period subong nga adlaw, Marso 25, nagpadala ang talatapan sang Commission on Election (COMELEC) Capiz sang notice sa mga kandidato agud kakason ang mga prohibited campaign materials nga ila gingamit.
Sa interview sang Bombo Radyo Roxas kay Atty Rommel Benliro, City COMELEC Officer ginpahayag sini nga ang mga posters kag campaign materials nga yara sa pribado nga lugar ang indi kinahanglan pagkakason bilang respeto sa mga kinamatarong sang pribado nga mga indibidwal.
Mahibaluan nga may yara sang tagsa ka posters area sa probinsya nga ginpahamtang sang ahensya agud pahamtangan kag kabitan sang mga campaign materials sang kandidato.
Ginklaro man sini nga wala sang limitasyon sa oras ang pagpatukar sang mga jingle sang mga kandidato nga nagarekorida sa mga dalanon.
