ROXAS CITY – Arestado ang construction worker, matapos magbaligya sang indi lisensyado nga armas-luthang kag makuhaan sang illegal nga droga sa Barangay San Nicolas, Pilar Capiz.
Ginkilala suspek kay Esmael Daniel 26-anyos kag residente sang Purok 2 Barangay San Nicolas , Pilar, Capiz.
Natigayon nga madakpan si Daniel, matapos mabaklan sang nagpakuno-kuno police poseur buyer.
Nakuha sa posesyon ni Daniel ang 1 unit homemade pistol 5.56mm, 3 ka bala sang 5.56mm, P1,500.00 buy bust money kag P1,400.00 nga counterfiet money.
Dugang pa nga nakuha sa posesyon sini ang 5 ka sachet sang ginapatihan shabu nga may kabug-aton 5 gramos kag may standard drug price P34,400.00, plastic wrapper nga may unod ginapatihan marijuana nga may kabug-aton 5 gramos nga may standard drug price P1,000.00, 4 ka bala sang caliber .45, 1 ka kaha sang sigarilyo, 1 pouch nagaduag brown kag 1 green black nga sling bag.
Sa karun yara na sa kustodiya sang Pilar Municipal Police Station ang nasambit nga arestado, para sa nagakaigo nga disposisyon.
