ROXAS CITY – Patay ang isa ka construction worker matapos nga naghikog sa sulod mismo sang iya hulot sa Sitio Sayuyan, Barangay Malocloc Norte, Ivisan, Capiz.
Ginpahayag ni Mrs. Victoria Mendoza, iloy ni alyas Nilo 51-anyos nga nagbugtaw pa kaina sang aga ang iya anak kag nag-inum sang bulong kag gilayon man nga nagbalik sa kuwarto.
Ginkatingala lamang sang ginang nga adlaw na apang wala pa nakaguwa sa hulot ang biktima, rason nga iya ini ginkadtuan.
Sa pagsulod sang iloy sa kuwarto, nakita sini nga nagatindog malapit sa bintana ang biktima kag ginkulbaan sang may nakita nga pisi sa liog sa diin sang iya palapitan nakumpirma sini nga naghikog ang iya anak.
Suno sa ginang nga sa masami nagainum lamang sang makahulubog nga ilimnon si alyas Nilo nga wala nagakaon rason nga nalipasan ini sang gutom.
