-- ADVERTISEMENT --
Madali nga ginlutos sang Creamline ang Capital1 Solar Energy, sa iskor nga 25-19, 25-19, 25-18, sa 2024-25 Premier Volleyball League (PVL) All-Filipino Conference sa PhilSports Arena sa Pasig City.
Dumiretso ang Cool Smashers sa ila pang-lima nga sunod nga kadalag-an kadungan sang paghulog sa Solar Spikers sa 1-5 nga iskor.
Nagpanguna sa pagdepensya si Jema Galanza nga may 12 points kag 10 excellent digs samtang may 10 markers naman si Tots Carlos para sa Creamline nga nakahugot kay Kyle Negrito sang 14 excellents sets.
