Nagpatigayon sang simulation exercise ang Capiz Police Provincial Office kaupod ang Police Regional Office 6 bilang kabahin sang pagpasangkad sang kahandaan sang kapulisan sa pagresponde sa mga insidente.
Sa interview sang Bombo Radyo kay Police Lieutenant Colonel Ricardo Jumuad Jr., Deputy Provincial Director sang Capiz Police Provincial Office, iya ginpahyag nga kabahin sa ginpatigayon nga exercise ang active shooting, bank robbery, bomb threat kag iban pa nga mga sitwasyon.
Suno kay Jumuad, tinutuyo sang amo nga aktibidad amo ang mapauswag ang abilidad kag kahandaan sang mga kapulisan sa pagresponde sa mga krimen kag emerhensya.
Dugang pa natungdan nga importante ang padayon nga training sang kapulisan agud masiguro ang seguridad kag kaluwasan sang publiko.
