Ginsentensiyahan sang Manila Regional Trial Court sang reclusion perpetua ang Customs broker nga si Mark Taguba II kag 3 ka iban pa nga akusado sini may kaangtanan sa smuggling ukon pagpuslit sang 602,270 kilos sang shabu nagikann sa China nga nagabalor sang P6.4 billion sadtong 2017.
Sa nangin desisyon, napamatud-an sang korte nga guilty para sa pagpamatok sang Customs Modernization and Tariff Act si Taguba kaupod ang 3 pa nga nanday Eirene Mae Tatad, Fidel Dee kag Dong Yi Shen, alias “Kenneth Dong.”
Ginmanduan man sang korte ang mga akusado nga magabayad sang P50 million para sa tagsa ka numero sang reklamo nga yara sa kabug-usan nga P150 million.
Suno kay Judge Alma Crispina Lacorte sang Manila RTC Branch 21, nagapabilin nga at-large ang iban pa nga mga akusado kag nakatalana pa lamang nga basahan sang korte.
