Ginkakas na sang Department of Agriculture (DA) ang temporary ban sa pag-import sang mga buhi nga kanding halin sa US.
Nauna na nga ginpatuman ang temporary ban kasunod sang pagkatumod sang Q fever sa mga kanding nga gin-import halin sa US.
Masobra lima ka dosena nga kanding nga infected sang Q fever ang ginpatay kag ginlubong sang Bureau of Animal Industry (BAI) para matapos ang pagkalat sang sakit.
Ginhimo ni Agriculture Secretary Francisco Tiu Laurel ang pagbawi sa mandu matapos nga siguruhon sang Department of Health (DOH) nga ang Q fever, indi isa dako nga banta sa ikaayong lawas sang publiko.
Nagpatuman na sang strikto nga tikang ang BAI agud malikawan ang paglapta sang makahalalit nga balatian sa sapat kag tawo.
Kalakip diri ang adjustment sang BAI sa pre-border measures agud masiguro nga ang paglapta sang Q fever ang sarang nga kontrolon.
