Ginmandu sang Department of Agriculture (DA) ang malapnagon nga imbestigasyon sa ginaalegar iregularidad sa procurement kag distribusyon sang agricultural inputs kag machinery matapos magpasaka sang reklamo ang pila ka mga grupo sang mangunguma.
Suno kay Secretary Francisco Tiu Laurel Jr., katuyuan sang imbestigasyon nga proteksyunan ang pondo sang mga tawo batuk sa korapsyon. Ginmaduam man niya ang legal department sang DA nga usisa-on ang pagka-delay sa delivery sang fertilizer, kag ginpanugyanan ang mga supplier nga magdeliver sa gintalana nga panahon ukon mahimo nga ma-blacklist.
Samtang, ginpanginwala sang Philippine Center for Postharvest Development and Mechanization (PhilMech) ang alegasyon nga “pakitang-tao lamang” ang konsultasyon sa mga mangunguma. Suno sa PhilMech, tanan nga procurement ang magapaidalom sa competitive public bidding, kag ginsigurado ang kalidad kag nagakaigo nga kagamitan para sa mga benepisyaryo.
