Gin-anunsyo sang Department of Agriculture nga pagasugdan na ang mass trial para sa bakuna kontra African Swine Fever (ASF).
Kasunod ini sa promisa ni Agri Sec. Francisco Tiu-Laurel nga malapit na nga mangin available ang bakuna kontra ASF sa pungsod.
Ginpahayag ni DA Spokesperson Asec. Arnel de Mesa nga pondohan sang ahensya ang pagahimuon nga trial para sa ASF vaccine matapos ang serye sang clinical trials, kun sa diin ginpakita nga epektibo ang bakuna para maprotektahan ang mga baboy batok sa sakit.
Ang mga bakuna nga igasalang sa mass trial ang nagikan sa Vietnam.
Pananglitan nga magmadinalag-on ang mass trial amuna ang tion nga pagasuguran ang commercialization sang bakuna sa Pilipinas nga gina-target subong nga tuig.
Pag-eksplekar pa ni Asec. De Mesa, importante ang nationwide immunization drive batok sa ASF agud mapunggan ang paglapta sang sakit sa baboy kag liwat nga mapasadya ang hog industry sa pungsod.
