Patay ang isa ka lalaki matapos ginbuno sa sitio Arisgal, Brgy. Cristina, Tapaz, Capiz.
Ang biktima amo si Alias “Baraw”, 50-anyos, mangunguma kag suspek naman amo si Alias “Lalang”, 55-anyos, laborer lunsay residente sang nasambit nga lugar.
Sa interview sang Bombo Radyo kay Police Major Greg Anthony Salbang, Offficer-in-charge sang Tapaz Municipal Police Station, iya ginpahayag nga yara sa sulod sang iya puluy-an ang biktima sang gintawag sang suspek.
Suno kay Salbang, sang nagwa na ang biktima gilayon ini ginbuno sang suspek sang makapila sa lawas.
Dugang pa ni Salbang, nga daan nga hiligut-anon ang motibo sa krimen.
Gilayon naman gindala ang biktima sa ospitala apang gindeklara nga dead on arrival.
Sa subong , padayon pa ang hot pursuit operation sang mga otoridad sa suspek matapos nga makapalagyo.
