Dakop ang tatlo ka indibidwal sa ginkasa nga drug buy-bust operation sang mga kapulisan sa Crossing Bato, Barangay Banica, Roxas City
Ginkilala ang mga nagkaladakpan nga sanday alyas Joel, residente sang Barangay Balijuagan, Alyas menandro, residente sang Barangay 11 kag si alyas Christian nga residente naman sang Barangay Inzo, Roxas City.
Nakuha sa paghinakop sa mga nagkaladakpan ang 30 tanan ka sachets nga ginapatihan shabu nga ginabulubanta may kabug-aton nga (150) ka gramos kag may standard drug price nga nagabalor sang kapin P1M kag 100 buybust money, 14,900 counterfeited money sa magkalain lain nga denominasyon,selpon kag iban pa nga mga gambling paraphernalia.
Magapangatubang ang mga suspek sang kaso nga paglapas sa R.A 9165 ukon “Comprehensive Dangerous Drugs Act of 2002”.
Sa karon, yara sa kustodiya sang Roxas City PNP ang mga suspetsado para sa nagakaigo nga disposisyon.
