Dalan sa Dumarao, passable na matapos naglapta ang nabuka nga mga soft drinks halin sa nagtakilid nga wing van

Malabayan na ang dalan sa Barangay Poblacion Ilaya, Dumarao, Capiz, matapos naglapta ang nabuka nga mga softdrinks nga karga sang isa ka wing van.

Sa interview sang Bombo Radyo kay Mayor Atty. Mateo Hachuela, iya ginpahayag nga sa bulig sang mga pumuluyo, gilayon nga nalimpyuhan ang dalan kag nabalik sa normal ang dalagan sang trapiko.

Suno kay Hachuela, nadulaan sang kontrol ang driver sang wing van bangud sa dako nga buho sa dalan nga wala pa nakaayo.

Dugang pa sang natungdan, tinguhaan niya nga mapadasig ang pagkaayo sang buho sa dalan agud malikawan ang dugang pa nga insidente sa lugar.