-- ADVERTISEMENT --
Natapos na ang pagpakaayo sang dalan sa Sitio Caduolan, Barangay Banica, Roxas City.
Sa interview sang Bombo Radyo kay Engr. Montini Hormigos, Engineer III sang City Engineer’s Office, iya ginpahayag nga kada tuig sila nagapatigayon sang maintenance sa mga indi maayo nga kondisyon sang dalan sa syudad agud masiguro ang kahimtangan sang mga dalanon.
Suno kay Hormigos, ginpakaayo ang amo nga dalan agud mangin mas mahapos kag hilway ini nga maagyan sang mga motorista.
Ginapahanumdom sang City Engineer’s Office ang publiko nga likawan ang mga aktibidad nga mahimo makahalit sa bag-o human nga dalan agud mapabilin ini sa maayo nga kondisyon.
