ROXAS CITY – Pormal na nga nagsugod ang Dance Xchange 2019 sa Capiz Villareal Stadium sa syudad sang Roxas nga ginpasakopan sang 15 ka mga international dance troupes nga gikan sa nagkalain-lain nga mga pungsod.
Kalakip sa mga dance troupes nga magapasundayag sa lima ka adlaw nga international dance festival amo ang mga dancers nga gikan sa pungsod Bangladesh, Iran, Japan, Hong Kong, Indonesia, Russia, kag Belgium.
Ginalauman man ang pagpasakup sang 21 ka mga local dance troupes sang Pilipinas.
Nahibaluan nga ang Dance Xchange 2019 ang kabahin sa selebrasyon sang National Dance Day sang National Commission for Culture and the Arts (NCCA),
Tuyo sini nga mapasangkad pa ang kaalam kag abilidad sang mga dancers kag choreographers angut sa nagkalain lain nga mga saot sa kalibutan.
Ginpasiguro naman sang Provincial Government sang Capiz nga libre ang mga kahiwatan sang NCCA sa publiko.
