CAPIZ – Naglab-ot sa kapin P36-M ang ginbilin nga halit sang nagluntad nga mga sunog sumugod Enero tubtob Disyembre subong nga tuig.
Sa interview sang Bombo Radyo sa Chief Intelligence and Investigation Section, sang Roxas City Fire Station kag Lawaan Fire Sub Station Commander nga si Reynold Agda, ginpahayag sini nga sa nasambit nga bulan nakapagkit sila sang 56 tanan ka mga fire incident sa kabug-usan nga Roxas City.
Suno kay Agda sa 56, 26 diri amu ang grassfire, 5 vehicular fire, kag 4 ang notable kung sa diin kalabanan nga mga barangay nga nakapagkit sang grassfire amu ang mga barangay Dayao, Lawaan, Dinginan, Milibili, kag Barangay Cagay.
Base sa ila record, nagaguha nga may pinakamataas nga fire incident ang bulan sang Enero tubtob Huyo.
Ginalantaw nga una sa mga ginatunaan sang sunog amu ang short circuit, napaby-an nga ginaluto, kag mga upos sang sigarilyo nga ginahaboy.
Bangud sini, mas ginpasangkad pa sang ila hanay ang pagpangampanya sa publiko agud ipalab-ot ang mga importante nga ihibalo agud malikawan nga mabiktima sang makahalalit nga sunog.
