Magapatigayon sang Distribution of Certificate of Condonation with Release of Mortgage (COCROM), Certificate of Land Ownership Award (CLOA) and E-Titles under SPLIT Project ang Department of Agrarian Reform sa Capiz Gymnasium, Villareal Stadium, Roxas City sa palaabuton nga Nobyembre 28, 2024.
Nahibaluan nga yara sa kapin 5,036 ka mga benepisyaryo ang magabaton sang nasambit nga mga titulo.
Ginalauman naman ang presensya nila House of Representatives, Deputy Speaker Camille A. Villar kag Senator Imee Marcos sa nasambit nga kahiwatan.
Sa datus nga nagikan sa DAR-Capiz, may 61 tanan ka mga Agrarian Reform Beneficiaries ang magabaton sang CLOA kun sa diin 1 diri ang nagikan sa Roxas City, 1 sa Panay, 14 sa Cuartero, kag 45 sa Dao.
Samtang, 4,630 ka mga beneficiaries ang magabaton sang COCROM kun sa diin; 65 ang nagikan sa Roxas City, 501 sa Maayon, 71 sa Panay, 165 sa Panitan, 198 sa Pilar, 400 sa Pontevedra, 484 sa Pres. Roxas, 311 sa Cuartero, 350 sa Dao, 255 sa Dumalag, 321 sa Dumarao, 42 sa Ivisan, 302 sa Jamindan, 245 sa Mambusao, 323 sa Sapi-an, 534 sa Sigma kag 63 sa Tapaz.
Yara naman sa kapin 345 ka mga benepisyaryo ang magabaton sang E-Titles kun sa diin 2 diri ang nagikan sa Maayon, 11 sa Pilar, 4 sa Pontevedra, 17 sa Pres. Roxas, 11 sa Cuartero, 4 sa Dao, 52 sa Dumalag, 18 sa Dumarao, 32 sa Jamindan, 37 sa Sigma, kag 157 sa Tapaz.
Ang nasambit nga mga titulo nga pagabatunon sang mga kwalipikado kag verified beneficiaries ang isa ka bulig sang gobyerno sa idalum sang laye nga RA 11953 ukon ang The New Agrarian Emancipation Act (NAEA) nga nagatuyo nga mahatagan kag makaangkon ang mga ini sang ila kaugalingon nga duta.
