Death toll sa makahalalit nga flash flood sa Nepal, naglab-ot na sa 903; Masobra 4,000 ka iban pa padayon sa gihapon nga ginapangita

Naglab-ot na sa 903 ang death toll, samtang masobra naman sa 4,247 ang nagapabilin nga missing kasunod sang malapnagon nga flash floods sa Nepal.

Suno sa National Disaster Risk Reduction and Management Authority (NDRRMA) sang Nepal, kalakip sa linibo nga missing ang halos 600 ka foreign tourist kag pilgrims, subong man ang pila ka mga miyembro sang security kag government personnel.

Narekord ang pinakadamo nga napatay sa Chitwan, Nawalparasi East, Nawalparasi West, kag Nuwakot matapos ginpang-anod sang mabaskog nga daludo sang tubig.

Nag-ugat ang trahedya sang Agosto 26 kasunod sang pagkahulog sang glacial malapit sa border sang Tibet.

Padayon sa gihapon ang rescue operation sang mga otoridad sa mga wala pa makit-an nga mga indibidwal.