Naglab-ot na sa 53 ang mga napatay, samtang masobra naman sa 130 ang pilason, matapos ang magnitude 7.7 nga linog nga nag-igo sa eastern Indonesia sang Sabado.
Ginabanta 5,000 ka mga tawo ang gin-evacuate matapos ang linog nga nagtuga sang landslides, pagkarumpag sang mga buildings kag paglitik sang mga dalanon.
Suno sa disaster agency sang Indonesia, halos 1,000 ka mga aftershocks ang narecord rason nga madamo nga mga residente ang nagatener sa mga evacuation centers bangud sa kahadlok nga may magluntad liwat nga linog.
Samtang, masobra naman sa 3,500 ka mga katapo sang militar kag kapulisan ang ginpahamtang para sa rescue kag relief operations, samtang nagdeklarar naman sang state of emergency ang East Nusa Tenggara agud mapadasig ang paghatag sang bulig sa mga biktima.
