Death toll sa nagluntad nga magnitude 7.7 nga linog sa Indonesia, naglab-ot na sa 38

Naglab-ot na sa 38 ang mga napatay kasunod sang magnitude 7.7 nga linog kag pila ka mabaskog nga aftershocks nga nag-igo sa kadagatan malapit sa Flores Island sa eastern Indonesia.

Suno kay National Disaster Mitigation Agency Chief Suharyanto, duha ang yara sa kritikal, samtang 11 naman ang nakaangkon sang minor injuries.

Naglab-ot man sa 2,000 ka mga tawo ang gin-evacuate sa mga lugar nga apektado sang linog.

Pila ka mga balay kag building ang nahalitan, samtang ang iban nga mga dalan nangin indi na maagyan bangud man sang landslides.

Padayon ang assessment sang mga otoridad agud mahibaluan ang bug-os nga kadakuon sang kahalitan kag mahibaluan ang mga kinahanglanon sang mga apektado nga pumuluyo.