Nagsaka na sa 10 ka indibidwal ang napatay sa nagapadayon nga lapnagon nga wildfires sa Los Angeles, California, USA.
Bangud sini, nagpaandam ang mga awtoridad nga posible nga mas magtaas pa ang death toll sa tunga sang nagapadayon nga pag-responde sa pila ka lugar nga sobra nga nahalitan sa nasambit nga insidente.
Ginhimo ang nasambit nga paandam kadungan sang pagsugod sang mga bumbero nga usisaon ang mga lugar nga nakabalhag sang lapnagon nga wildfires, kadam-an sa Palisades Fire nga nakaapekto sa Pacific Palisades area sang Los Angeles kag ang Eaton Fure nga nakaapekto naman sa Pasadena.
Bangud sini, yara sa masobra 10,000 ka mga istraktura ang nahalitan.
Ang Palisades fire na ang ginakabig sa karon nga pinakadako nga wildfrie nga nabalhag sa kasaysayan sang Los Angeles, CA.
Ang wildfire sa LA ang ginapatihan nga tuga sang dulot ng Santa Ana winds nga extreme kag dry winds nga masami nga nababatyagan kada maglamig ang tyempo ukon winter months.
Sa paathag sang mga eksperto, ang hangin nga naga-ihip kun taglamig, mala ukon tuyo bangud wala ini nagagikan sa mga anyon tubig, kag ginatawag ini bilang offshore winds.
