Dedikasyon kag disiplina sa kaugalingon, sikreto sang Top 1 sa Pharmacist Licensure Examination

Dedikasyon kag disiplina sa kaugalingon ang nangin nga sikreto sang Top 1 sa Pharmacist Licensure Examination nga si Royce Arjan Fantillan sang University of San Agustin sa Iloilo.

Nakakuha si Fantillan ang average nga 94.65%.

Sa interview sang Bombo Radyo kay Fantillan, iya ginpahayag nga nangin mabudlay para sa iya ang pag-focus sa pag-review bangud sang madamo nga distractions, apang gin-disiplina niya ang kaugalingon agud mapadayon  ang pagtuon.

Dugang pa sini, nangin inspirasyon niya ang iya pamilya sa iya pag-eskwela, kag dako ang iya pasalamat sa Ginoo sa bendisyon kag kadalag-an  nga iya nabaton.