Delivery rider, patay matapos mabunggoan sang van

Patay ang 51 anyos nga food delivery rider matapos mabunggoan sang van sa Barangay Hinaplanon, Iligan City.

Makit-an sa Closed Circuit Television footage nga nagatabok ang biktima sakay sa iya motorsiklo sa national highway halin sa gamay nga dalan.

Apang gilayon na lang nga nag-ulhot ang isa ka van nga nag-overtake kag nagbunggo sa biktima.

Sa baskog sang pagkabunggo, nagtabog ang rider kag gindeklara nga dead on arrival sa ospital.

Yara na sa kustodiya sang Traffic Enforcement Unit sang Iligan City Police Office ang driver sang van samtang ginahulat kun magapasaka sang kaso ang pamilya sang biktima.