ROXAS CITY -Nagtaas ang numero sang dengue cases sa probinsiya sang Capiz sa 400 porsyento.
Sa interview sang Bombo Radyo Roxas kay Mr. Joeffrey Espiritu, Development Management Officer IV sang DOH-Capiz, ginpahayag sini nga ba-se sa pinakaulihi nga datos nga narekord sang talatapan nagalab ot na sa 411 ang kaso sng dengue sa Capiz humalin sang Enero 1 tobtob Pebrero 23, 2019.
Pinakamataas nga numero nga narekord ang sa Roxas City nga may 110 nga kaso, ginsundan sang banwa sang Dao nga may 54, nagpangatlo ang Panay nga may 53 ka kaso, tag 30 sa Dumarao kag Pontevedra, 28 sa Dumalag, 18 sa Jamindan, 17 sa Sigma, 16 sa Tapaz ; 15 sa Ivisan; 13 sa Cuartero, 12 sa Mambusao, 10 sa Panit-an; 8 sa Sapian; tag pito sa President Roxas kag Dumarao, anum sa Pilar kag 5 ka mga kaso sang dengue sa banwa sang Maayon.
Suno kay Espiritu ang kapaslawan sang nga pumuluyo nga matinluan ang palibot ang nagapanguna nga rason para dalayon nga magdamo ang lamok nga amo ang nagadala sang sakit nga dengue.
