Ginmando sang Court of Appeals (CA) ang paghilway sa anay model nga si Deniece Cornejo matapos ginbuhinan ang jail term nga ginpatuman sa iya may kaangtanan sa kaso nga serious illegal detention nga ginpasaka sang aktor nga si Vhong Navarro.
Suno kay Atty. Ferdinand Topacio, abogado ni Deniece, ginakonsiderar ang halos duha ka tuig nga pagkapreso sang iya kliyente matapos ang conviction sa Regional Trial Court bilang time served.
Ginapahayag nga nagabulig sa iya ang Public Attorney’s Office kag iban pa nga mga abogado sa pagproseso sang mga dokumento para sa iya kahilwayan.
Ginalauman nga matabo ini sa maaga nga bahin sang masunod nga semana.
Matandaan nga napriso si Deniece matapos ginpahayag nga isa siya nga ginatudlo nga may kahilabtanan sa pagkastigo Kay Navarro sa iya condominium unit, ko sa diin upod ang iya mga abyan.
