Naghamtang na ang Department of Environment and Natural Resources (DENR) sang mga flag sa palibot sang bulkan Kanlaon agud magserbe nga marker sa permanent danger zone sini.
Ini ang isa sa mga tikang sang ahensiya agud mabantayan ang kaligtasan sang publiko kag gilayon sila nga mapaandaman kun naabot na ang mga lugar nga ginakonsiderar nga delikado banguid sa anuman nga aktibidad sang bulkan.
Ini man ang una nga flag installation nga ginhimo sang DENR sa PDZ sang bulkan Kanlaon.
Suno sa ahensiya, pagasundan pa ini sang mas madamo nga flag agud mangin mas visible ukon mas madali nga matalupangdan sang mga residente ukon mga bibisita sa nasambit nga bulkan.
Una na nga ginrekomendar ang pagbag-o sa apat ka kilometro nga Permanent Danger Zone kag pagahimuon na lamang ini nga strict protection zone (SPZ).
Ang mga SPZ ang mga lugar nga ipasara sa tanan nga human activity maluwas lamang sa mga scientific studies, ceremonial kag religious activities gikan sa mga indigenous cultural communities/indigenous people.
Sa karon, base sa datos gikan sa Mt. Kanlaon Natural Park (MKNP), may 60 kabalayan na ang yara sa sulod sang PDZ.
