Nagasalig ang pamunuan sang Department of Agriculture nga magapabilin nga manubo ang presyo sang sibuyas sa mga merkado sa bug-os nga pungsod subong nga holiday season.
Suno sa ahensya, ang pula nga sibuyas ang ginabaligya sa karon sa ₱300 kada kilo sa pila ka mga merkado sa Metro Manila.
Suno kay DA Spokesperson Assistant Secretary Arnel de Mesa, daku nga volume sang imported nga sibuyas ang natalana nga maga-abot sa pungsod antes ang holiday season.
Sa kabug-usan nga kadamuon sang 56,000 metric tons sang sibuyas nga ginhatagan sang pahanugot nga i-import, sa karon 11,000 metris tons lamang ang aktuwal nga nag-abot sa pungsod.
Bangud sini, padayon nga ginahulat ang pagsulod sang nabilin nga imported nga sibuyas.
Sa tion nga makasulod na ang gialauman nga nga kabug-usan nga supply sini, may posibilidad nga ang presyo sang sibuyas sa mga merkado maganubo kag mangin mas barato para sa mga konsumidor, nga ginapaabot nga magabalik sa tunga sang ₱120 tubtob ₱150 kada kilo.
