ROXAS CITY – Ginpahayag sang Project Development Officer I, ang mga dapat tandaan sang mga ginikanan para sa patigayunon nga Brigada Eskwela 2024.
Sa interview sang Bombo Radyo kay Ms. Claudette Ballera Project Development Officer I sang Department of Education Capiz Divission, ginpahayag sini nga magasugod ang Brigada Eskwela 2024 sa Hulyo 22 tubtob Hulyo 27, 2024 samtang ang Divission Kick Off Program ang magsugod naman sa Hulyo 20, 2024 sa Vicente Andaya Sr. National High School, Sigma Capiz takna alas 9:00 sang aga nga may tema Bayanihan Para sa Matatag na Paaralan.
Suno kay Balerra, magluwas sa pagpangtinlo sa nakaangdan nga buluhaton sa nasambit nga aktibidad ini man nga tion agud magbulignay kag maghangpanay ang tanan nga mga ginikanan agud masiguro ang maayo nga pagbalik sa eskwelahan sang mga kabataan.
Mahibaluan nga ang Brigada Eskwela isa ka tradisyunal nga programa sang Department of Education (DepEd) nga may tinutuyo kay-uhon, tinluon, kag ipreparar ang mga hulot eskwelahan para sa nagahilapit nga pagbukas sang klase.
Ginpahayag man sini nga magluwas sa mga cleaning materials, kun may mga kabataan nga wala pa makapa-enroll sa adlaw sang Brigada mahimo sa gihapon nga makapa-enroll.
