Nagpalab-ot sang pagpakig-unong ang Department of Transportation (DOTr) sa pamilya sang mga napatay sa aksidente sa departure west area sang Ninoy Aquino International Airport (NAIA) Terminal 1 pasado alas 8:55 sang aga, Domingo, Mayo 4, 2025.
Napatay sa insidente ang 4 ka tuig nga bata kag 29 anyos nga lalaki samtang gindala naman sa ospital ang tatlo ka iban pa bangud sa naangkon nga pilas.
Base sa inisyal nga imbestigasyon kag kuha sang CCTV, nagadul-ong lamang sang pasahero ang driver sang SUV kag wala sang palatandaan nga hungod ang insidente. Apang nagapadayon ang imbestigasyon sang DOTr, Manila International Airport Authority (MIAA), kag mga otoridad.
Ginpaidalom man sa drug test ang driver.
Temporaryo nga ginpauntat sang Land Transportation Office (LTO) ang driver’s license sa sulod sang 90 ka adlaw samtang gina-imbestigaran ang insidente.
Samtang ginpasalig naman ni Dizon nga sabton sang airport ang medical expenses sang mga napilasan kag ang paglubong sang mga napatay.
