ROXAS CITY, CAPIZ- Nagpanugyan ang Department of Education Capiz sa mga ginikanan nga gilayon magreport sa ila nga talatapan kun kaangay ginpwersa ini sila nga sukton sa mga balayadan sa eskwelahan.
Sa interview sang Bombo Radyo kay Ms. Yzarda Claudette Ballera, Division Information Officer sang Capiz Division, ginpahayag nga wala suno sang kinahanglan nga bayaran ang mga ginikanan para sa pila ka mga galastusan para sa eskwelahan.
Dugang pa sini nga ang tagsa ka mga buluthuan may yara sang Maintenance in Other Operating Expenses (MOOE) sa diin nga amo ang pondo nga mahimo gastuson sang mga manunudlo para sa mga balayaran kag pila pa ka mga galastusan sa eskwelan.
Nahibaluan nga sang damlag lang may nagpalab-ot sang reklamo nagikan sa isa ka buluthuan sa banwa sang Panay sa diin suno sa ila ginapabayad sila sang mga manunudlo kay magakuha sila sang security guard sa ila nga buluthuan nga suno sa ila indi na dapat pa ina obligasyon sang mga ginikanan ang pambayad bangud nga sa ila pagkabalo may yara sang pondo ang eskwelahan.
Samtang, sandig sa DepEd Memorandum No. 41, series of 2024, ukon ang “Reiteration of the ‘No Collection Policy’, nagapahundom gid sa tagsa ka mga manundlo kag principal sa eskwelahan nga wala gid sang pagpinilitay nga magsukot pag-abot sa mga balayaran sa eskwelahan.
Nagpalab-ot naman sang mensahe si Yzarda sa mga ginikanan nga kun may yara man sang nagakatabo nga amutan ina bangd sa PTA nga pamaagi kag suno sa iya, boluntaryo lang gid para sa mga ginikanan kag wala sang pinilitay subong man sa mga manunudlo nga indi gid magpamilit magpanukot sa mga ginikanan, sundon ang kun ano ang ginapatuman sang ahensya.
With a report from Bombo Jessa Mae De Los Santos
