ROXAS CITY, CAPIZ – All-set na ang Department of Education Region VI para sa Brigada Eskwela 2025 sa Hunyo 9,2025.
Sa interview sang Bombo Radyo kay Mr. Hernani Escullar Jr., Spokesperson sang DepEd Region 6, iya ginpahayag nga ang maga-host para sa official kick-off sang Brigada Eskwela amo ang Schools Division Office —Aklan, nga patigayunon sa Kalibo, Aklan.
Ang tema sang Brigada Eskwela subong nga tuig amo ang “Sama-sama para sa Bayang Bumabasa,” sa diin katuyuan sini amo nga mag-isa ang tanan nga stakeholders sa paghanda sa pagbukas sang klase kag ma-improve ang literacy sabg Filipino learners.
Suno kay Escullar, pinaagi sa Brigada Eskwela, masiguro nga ang tagsa ka mga buluthuan makaumpisa gilayon sa pag-conduct sang klase sa mga estudyante pag-abot sang Hunyo 16.
Dugang pa sang natungdan, positibo ang nangin sabat sang tagsa ka mga partner agencies, mga ginkinanan kag pila ka mga Local Government Units (LGUs) sa pagpartisipar sa Brigada Eskwela 2025.
