Pagahugton sang Department of Education (DepEd) Region VI ang security measures sa mga buluthuan sa Western Visayas kasunod sang nagluntad nga shooting incident sa sulod sang San Jose National High School sa Tacloban City.
Sa interview sang Bombo Radyo kay Mr. Hernani Escullar Jr., spokesperson sang DepEd Region VI, iya ginpahayag nga pagapasangkaron pa ang police visibility sa palibot sang mga eskwelahan agud maprotektahan ang mga estudyante , manunudlo kag iban pa nga empleyado sang buluthuan.
Suno kay Escullar, padayon man ang koordinasyon sang ahensya sa mga barangay officials, kapulisan kag mga local Government Unit agud mapabakod ang seguridad sa mga eskwelahan.
Plano man sang ahensya ang pagdugang sang mga closed-circuit television (CCTV) cameras kag pagbutang sang mga metal detector sa mga ka eskwelahan bilang kabahin sang mga tikang para malikawan ang posible nga sahi sang insidente.
Nahibaluan nga naglab-ot na sa apat katao ang papatay kag 15 ang pilason sa pagpangluthang nga nagluntad sa sulod sang amo nga eskwelahan.
