Napukaw ang atensyon sang mga indibidwal sa sulod sang Impeachment Court matapos gin-mensyonar sang private prosecutor nga si Atty. Mae Divinagracia ang isa ka tawo nga gina-alegar kilala nanday defense lawyer Mark Vinluan.
Ini samtang ginatalakay ang Bar rating sang testigo nga si Anti-Money Laundering Council Executive Director Ronel Buenaventura.
Sa pagkwestyon ni Divinagracia, ginsiling ni Buenaventura nga nangin rank 10 ini sa 2015 Bar Examinations kag nakakuha sang 85.75 percent nga rating.
Wala ginpangalanan ni Divinagracia kun sin-o ang ginatuhoy sini nga tawo nga may 80% percent Bar rating.
Gilayon naman nga ginbalabagan si Vinluan kag nagpangabay nga i-strike out sa record ang nasambit nga bahin sang komento bangud wala naga-angot sa trial.
