Ginpangunahan ni Detroit Pistons star player nga si Cade Cunningham ang iya nga koponan matapos makapuntos sang 25 points kag 10 assists agud mapirde ang Cleveland Cavaliers, 107-97, sa Game 2 sang ila Eastern Conference semifinals series sa National Basketball Association Playoffs.
Daku ang nangin kontribusyon ni Cunningham labi na gid sa fourth quarter sa diin nakapuntos siya sang 12 points agud tuluyan nga mahatagan sang momentum ang Pistons kag mapabilin ang kontrol sa hampang. Nagbulig man sanday Tobias Harris nga may 21 points, Duncan Robinson nga nagtala sang 17 points, kag Daniss Jenkins nga may 14 points.
Sa bahin naman sang Cavaliers, nanguna si Donovan Mitchell matapos makahimo sang 31 points samtang nagdugang si Jarrett Allen sang 22 points kag pito ka rebounds. Apang naglisod ang Cleveland sa ila outside shooting matapos nakahimo lamang sang pito ka tres sa 32 ka attempts.
Bangud sa ila kadalag-an, yara na subong sa 2-0 ang serye pabor sa Pistons kontra Cavaliers sa best-of-seven semifinals matchup.
