Ginatun-an sang Department of the Interior and Local Government (DILG) ang posible nga silot sa mga lokal nga opisyal nga nagbiyahe sa iban nga pungsod sa pihak sang travel ban sang pag-igo sang Bagyo Tino kag Super Typhoon Uwan.
Suno kay Interior Secretary Jonvic Remulla, yara sa 20 ka mga opisyal ang nagpadulong sa abroad apisar kanselado na ang ila nga leave.
Pahayag ni Remulla, ginatun-an na sang ahensya ang mga legal nga tikang batuk sa ila.
Kalakip sa mga ginsambit si Isabela Governor Rodolfo Albano III, nga sa subong yara sa Germany para sa agricultural fair. Nagpromisa ini nga mapauli gilayon, apang sun okay Remulla, mahimo man sa gihapon ini nga mag-atubang sa disiplinary action.
Madumduman nga sang Nobyembre 9, nagpaguha sang direktiba ang DILG nga dumilian ang tanan nga foreign trips sang mga lokal nga opisyal tubtob Nobyembre 15, sandig sa layi nga nagamandu sa ila nga magpabilin sila nga nagamonitor sa ila tagsa ka mga nasakpan sa panahon sang kalamidad.
