Hugot ang pagpati sang Department of the Interior and Local Government (DILG) nga una nga nagpatigayon sang surveillance ang anay Department of Public Works and Highways (DPWH) Undersecretary Catalina Cabral sa amo nga lugar antes ini naglumpat sa madalom nga pil-as sa Tuba, Benguet.
Suno kay DILG Secretary Jonvic Remulla, una nga ginpadulog ni Cabral ang driver sa amo nga lugar antes nagpadayon sa syudad sang Baguio kag nagbalik sa lugar.
Una sila nga ginkadtuan sang mga pulis bangud bawal ang pagparking sa lugar, gani naghalin sila.
Nakita ni Cabral nga tuman ka daku ang kahalitan kon matumba ini sa lugar nga katumbas sang 10 ka panalgan nga building ang kataason.
Madumduman nga nag-resign si Cabral sa iya posisyon sadtong Setyembre matapos ang imbestigasyon sang kongreso sa gina-alegar maanomaliya sa pagpondo sang mga flood control projects, lakip na ang mga akusasyon nga nakabaton sang kickbacks ang mga mamalidha kag pila ka mga opisyal sang gobyerno.
