Hugot nga ginhatagan pagtamod ni Department of National Defense (DND) Secretary Gilberto Teodoro Jr. ang kinahanglanon sang pagbakal sang pungsod sang mga Airborne Warning kag control System (AWACS) aircraft.
Ang AWACSs isa ka military surveillance kag command & control aircraft nga may makisog nga radar kag iban pa nga sensor nga ginagamit para sa detection kag tracking sang nanari-sari nga mga sakayan pangkahawaan, missile, kag iban pa nga mga kagamitan panggiyera sa kadutaan.
Nagakahimo sang mga ini nga magpaguha sang timprano sang warning signal kag sitwasyon sang isa ka butang nga ginasubaybayan kag makapag-koordinar sa iban pa nga military forces samtang nagaserbe nga ‘eye in the sky’ para sa mga military commander.
Pahayag pa ni Teodoro, indi bastante ang mga multi-role fighter (mrf) aircraft bangud kinahanglan man nga may mabulig sa mga ini nga de-kalidad nga radar surveillance, kag iban pa nga aspeto nga kaya ihatag sang mga AWACS aircraft.
Sa karon, nagapatigayon na suni sa iya sang evaluation ang DND para sa plano nga baklon nga aircraft, kalakip na ang mga MRF.
Ang pagpanghangkat suno sa iya indi lamang ang mismo nga procurement ukon pagbakal sang mga mrf kundi himuon nga operational ang mga ini bilang isa ka military ‘package’.
