Hugot nga ginabantayan sang Department of Energy ang supply sang liquefied petroleum gas (LPG), nga tubtob na lang sa 24 ka adlaw.
Suno kay Energy Secretary Sharon Garin, isa sa mga mayor nga problema subong amo ang LPG rason nga nagapadayon ang ila paglibot sa mga restaurants bangud mahimo nga panubo-an anay ang consumption tubtob nga may yara na sang supply nga magsulod.
Sandig sa March 20 inventory sang ahensya kag daily average utilization, may yara pa sang bastante nga supply sang petroleum products ang pungsod kaangay sang gasoline kag diesel, apang manubo ang supply sang LPG.
Ginpahayag naman ni Energy Undersecretary Alessandro Sales nga sa international standards sang International Energy Association, ginarekomenda ang 30-day supply sang produkto sa diin tanan ang lapaw man sa 30 ka adlaw magluwas lang gid LPG.
