Nagpahanumdom ang Department of Health Capiz sa publiko nga likawan ang tuman nga pagbulad sa init sang adlaw.
Ini kasunod man sang mataas nga heat index nga naeksperyensyahan sa pila ka lugar sa Western Visayas.
Sa interview sang Bombo Rady kay Mr. Joeffry Espiritu, Development Management Officer IV kag Information Officer sang DOH–Capiz, iya ginpahayag nga ang tuman nga pagbulad direkta sa init sang adlaw ang mahimu maka-angkon sang sakit sa panit nga ginatawag nga ‘6S kag 1H.’
Ini nga mga sakit amo ang mga masunod:
S-kin diseases
S-ore eyes
S-ipon at ubo
S-uka at pagdudumi
S-akmal – (animal bite)
S-akuna at digrasya
H-eat Stroke
Suno kay Espiritu, ang mga possible nga makuha sa sakit sa panit amo ang sunburn, bungang-araw, habas, kag uyapos
Dugang pa niya, importante gid nga mag-inom sang walo ka baso sang tubig o masubra pa sa kada adlaw.
Nagpanugyan man ini nga likawan ang pagsuksok sang madalom nga kolor sang bayo kag, kun mahimo, magsuksok sang mga ‘light-colored’ nga panapton.
Nahibaluan nga ang heat index sang Roxas City ang yara sa 37 degrees celsius sa Mambusao, Capiz ang yara sa 39 degrees celsius samtang sa Dumanggas, Iloilo ang naglab-oT sa 40 degrees celsius.
