Nakatbalhag na sang 6 ka kaso sang fireworks-related injuries ang Western Visayas halin Disyembre 21 tubtob Disyembre 28, 2025, base sa datos sang Department of Health (DOH) Western Visayas Center for Health Development.
Lakip sa mga biktima amo ang mga kabataan kag mga tigulang nga nasamaran, nga nagapakita nga wala sang ginapili nga edad ang peligro nga ginadala sang palupok.
Nagpahanumdom man ang talatapan ang publiko nga sa pagsaulog sang mga okasyon, mas importante nga unahon ang kaluwasan sang tanan.
Hugot nga ginapanawagan nga likawan ang pagpaggamit sang ano man nga klase sang paulpok kag magtan-aw na lang sang community fireworks display, ukon maggamit sang mga alternatibo pareho sang noisemakers kag iban pa nga pailaw.
Sa tion nga may magluntad nga aksidente nga tuga sang palupok, gilayon nga dal-on sa pinakamalapit nga ospital agud mahatagan sang nagakaigo nga pagbulong.
