Nagapati si Justice Sec. Jesus Crispin Remulla nga nangin madinalag-on si Presidente Ferdinand Marcos Jr. nga makumbinsi ang Indonesia nga indi mag-surrender ang Pilipinas sa apela nga mabalik si Mary Jane Veloso sa pungsod.
Ginsiling man sang tiglikom nga kun mahimo man nga hinyuon sang Indonesian government bilang kondisyon nga iserbe gihapon ni Veloso ang iya life sentence, iya suno ini nga iserbe apang hugot man nga gindumilian ang death penalty.
Ginpunto naman sang DOJ chief nga ang pagsugot sang Indonesia nga magka-legal nga hurisdiksiyon kay Veloso ang isa ka maayo nga sinyales nga nagapakig-angut sang maayo ang Pilipinas sa Indonesia.
Ginpaathag naman ni Sec. Remulla nga sa tion nga mkapauli na sa Pilipinas si Veloso, sakop na ini sang criminal justice system sang pungsod. Ginpaubaya naman suno ini nila sa mandato sang National Bureau of Investigation (NBI) ang pagkuha kay Veloso sa airport apang bag-o ini, kinahanglan danay nga mag-diskusyon sa Department of Foreign Affairs (DFA).
Posible naman nga sa Women Correctional Institution for Women sa Mandaluyong city pagadal-on si Veloso apang suno man kay Remulla nga ila gina-konsiderar ang mga ginabatyag nga balatian ni Veloso para sa pagkustodiya sa iya.
