-- ADVERTISEMENT --
Nagpasakop ang DOLE TUPAD beneficiaries sang Roxas City sa Brigada Eskwela para sa School Year 2026–2027.
Sa interview sang Bombo Radyo kay Alma Basa Estores, isa sa mga TUPAD beneficiaries, iya ginpahayag nga naka-umpisa na sila sa pagpinta kag pag-kaayo sang mga classroom sa nagkalain-lain nga eskwelahan.
Suno kay Estores, importante nga matinlo kag maayos ang mga buluthuan antes mag-abri ang klase agud nga makahatag ini sang maayo nga kahimtangan sa pagtuon sang mga estudyante.
Nagpanawagan man natungdan sa iban pa nga mga boluntaryo nga magpasakop kag magbulig sa Brigada Eskwela para sa preparasyon sa pagbukas sang klase.
