ROXAS CITY – Nagpangibabaw ang Republican sa estado sang Indiana, USA sa 2020 US Presidential Election.
Sa report ni Bombo International Correspondent Raffy Fernando nga nakakuha sang 60.5% ukon 1,226,543 nga boto si Donald Trump samtan si Joe Biden naman nakakuha sang 37.5% ukon 763,129 nga boto.
Suno kay Fernando nga kadam-an sa mga nagaistar sa Indiana ang nagpabor sa Republicans Party.
Ginpahayag sini nga antes pa natapos ang pagbotohay sa amo nga estado yara na naka-deploy ang mga kapulisan sa nagkalain-lain nga lugar sa Indiana agud magpabilin sang kalinong kag seguridad.
Ini agud masiguro nga wala sang magkahinabo nga riot ukon rally sa amo nga estado kadungan sa pagdeklarar sa panibag-o nga presidente sang Estados Unidos.
Magluwas diri nga may yara sang iban nga mga pumuluyo nga nagbakal na sang mga armas para sa posibilidad sa tion nga may yara sang malain nga matabo.
Mahibaluan nga kadam-an sa mga tawo sa Indiana ang halos republicans kag mga supporters ni Trump kun sa diin may yara sang 11 electoral college votes.
