Nagabuligay ang Department of Tourism (DOT) kag Integrated Bar of the Philippines (IBP) agud maghatag sang libre nga legal nga serbisyo sa mga accredited tourism stakeholders kag frontline workers, ilabi na ang mga nagikan sa micro, small, kag medium enterprises (MSMEs).
Gin-anunsyo nanday Tourism Secretary Christina Garcia Frasco kag IBP National President Antonio Pido ang partnership nga ini sa 20th National Convention of Lawyers sa Cebu City.
Suno kay Frasco, ang kasunduan ang nagapakita sang katuyuan sang DOT kag Integrated Bar of the Philippines nga magduso sang inklusibo nga pagsanyog kag pakusugon ang akses sa katarungan sa sektor sang turismo.
Lakip man sa plano ang pagbuo sang 24/7 tourist courts agud mapadasig ang pagresolba sang mga isyu sa turismo sa mga nagapanguna nga destinasyon sa pungsod.
